#makamba: Abanyagihugu bo ku murwa mukuru wa komine Kayogoro barafise ubukene bw'amazi meza. Ariko, kubw'umugende w'amazi uriko uratunganywa, bizeyeko bagiye kuyaronka gusumba uko vyahora.
Basigura ko ayo bari basanzwe bakoresha ari make cane kuko bayaronswa mw'isaha imwe gusa ku munsi. Bamwe bavuga ko bakoresha amazi yo mu binogo biyimbiye mu ngo zabo.
Uwujejwe amazi muri iyo komine aremeza ayo makuru. Amenyesha ko ibikorwa vyayo bigeze nko ku bice 40 kw’ijana.