"Abiyunguruza n’amapikipiki yabo bita "jeho kuki", ay’amashirahamwe canke amakinga ya "sport" bagiye vuba kwemeregwa gushika hagati muri Mairie de Bujumbura"
Inyuma y’aho umushikiranganji wa mbere yemeye imbere y’Inama nshingamateka na Sénat Burundi ko "abafise amapikipiki canke amakinga atari ayo guca amahera bashobora kwemererwa gushika mu gisagara hagati", umushikiranganji mu vyo ajejwe harimwo umutekano nawe ahejeje gusaba y’uko "hoba rusansuma rw’abantu bagendesha amapikipiki y’amashirahamwe, abagenda na zimwe bita "jeho kuki" hamwe n’amakinga yo kwinonora imitsi".
✍🏾 Imvo y’urwo rusansuma ngo "n’ukugira ababitunze bemererwe gusubira kubigenderako mu gisagara hagati".
Gervais Ndirakobuca akaba yabishikirije kuri uyu wa kabiri mu gihe abahinga muri ubwo bushikiranganji bariko bashikiriza icegeranyo uko umutekano wo mw’ibarabara wifashe inyuma yaho hafatiwe ingingo yo gukura amapikipiki, amakinga n’aba "tuk-tuk" aca amahera mu bibanza vyegereye mu gisagara hagati.
📝 Asaba ubuyobozi bw’igisagara ca Bujumbura "kwihutira kugira urutonde rw’ivyo vyuma, hanyuma bene vyo bahabwe inyigisho zo kubigendesha mu mabarabara".
Abahora biyunguruza n’ivyo vyuma bigeye kurekurirwa gukira muvyakiriye gute ?
Inkomoko n’ishusho : Radio-Télévision Isanganiro RTI
#intwaro

image