Shalom shalom 🙌
Ingaburo ya le 07/10/2021

🍏Cant 147:1
Uburyo Yes'ankunda,
Birantangaza rwose,
Ubuntu yangiriye,
Nibwo bubimenyesha,.
Ndons'amahoro ashitse,
N'umunezero mwishi,
Nd'uwa Yesu, ndabizi,
Nawe nyene n"uwanje.Amen

🍉Mugenzi dusangiye urugendo ruja mw'ijuru,hariho ubuntu Yesu yangiriye butovugwa bwo kwemera ko mba mu bana b'Imana kandi nari naracumuye nkayivako,iyo haba kera vy"abimazi vy'ibimasa n'ibindi ntavyo nari kuronka kuko nakora ivyaha vyinshi,naruwo gupfa ariko Yesu angirira neza arankunda,none amahoro n'umunezero vyuzuye muri jewe,aragahezagirwa.
Amen

🙏🙏Mwami wanje Yesu,ndakengurutse ubuntu wangiriye,ndagushimiye ko wankuye mu rupfu,ukampa ubuzima,wankuye mu mwijima unzana mu muco wawe,ndaguhaye icubahiro kano gatondo,nongera nkwinginga ngo ubandanye utabara n'abakiriyo babone ubwiza bwawe buhebuje nyakubahwa.Amen

🧚‍♂️Aho wankuye Yesu nzama ngushima cane.🎤🎤
Nawe nimba aruko nyene,vuga ngo, Amen.

Shalom shalom 🙌
Ingaburo ya le 06/10/2021

🍏Guharura 14:28
Babarire,ut'uku ni k'Uhoraho agize:ut'arahiye uguhoraho kwiwe,ut'ivyo yunvise mwivugiye nivyo nyene azobagirira.Amen

🍉Mwene Data,Imana yacu irunva kuko niyo yaduhaye amatwi,rero iyo tuvuga duhore tubanza gusuzuma ivyo twatura,haba kuri twebwe nyene canke ku bandi kuko ngo ivyo nyene nivyo izotugirira.Amen

🙏🙏Uhoraho Mana nyen'imbabazi nyishi,urakoze ko udukebuye none dushoboze guhora tuvuga ibintu bizotugirira akamaro,twoye kwatura amajambo apfuye canke yica abandi kuko ivyo tuvuze duheza tukabibona.Amen

🧚‍♂️Hindura invugo yawe,wiyaturire ivyiza na kazoza keza kuri wewe n'abawe uzoheza ubibone.Amen

Shalom shalom 🙌
Ingaburo ya le 17/09/2021

🍏Yesaya 31:5
Nkukw'inyoni zizengerera hejuru y'ivyari vyazo,ni k'Uhoraho nyen'ingabo azorinda Yerusalemu,azoharinda ahakize,azohaca hejuru aharokore.Amen

🍉 Muntu w'Imana,wewe nturi uwusanzwe kuko urarinzwe bikomeye, ntacopfa kugushikako kuko iyikurinze ni Nyen'ingabo;ico usabwa ni ukuguma muri ico gisagara,ntugite canke ngo utirimuke ibisigaye Uhoraho arabibona.Amen

🙏🙏Uhoraho Mana y'urukundo wewe ubasha kuturindira muri ino si ishaje,ukama udukiza kandi ukaturokora niyo twatewe n'uhabwe icubahiro kandi n'ubu utube hafi muri vyose,ntudusige uzoba ukoze.Amen

🧚‍♂️Nyimba uri muri Yesu neza,gumamwo kandi ureme ntaco uzoba,birya arabibona.Amen