Kuri uyu wagatandatu igenekererezo rya 5/8/2023 ,umusi mukuru wa Komine muri Komine #giheta wari watewe iteka n'umukuru w'igihugu c'uburundi n'umutambukanyi wiwe. Ibirori vyatangujwe n'igururwa ry'ishirahamwe ryokuziganya no kuguranana rihurikiyemwo imvukira za komine Giheta (Microfinance) #isigi
Inyuma yaho kabaye akaryo keza ko kurimbura no gushikiriza imigambi igiye kurangurwa.
Musitanteri wa Komine Giheta Micheline Ninahaza yamenyeshejeko ko mu migambi igiye gukorwa vuba harimwo kwongereza umuhora w'amatara, kuva kw'ivuriro ryo ku mutumba #gisuru gushika ku mutumba #kiremera, kwongereza umuhora w'amatara kuva kwi #komabu mu Gasunu werekeza kw'ishure ry'imyuga, isoko ya kijambere, kwongereza umuhora w'amatara ku mutumba #bihororo werekeza ku gacimbiri #nyarugongo, kwongereza umuhora w'amatara kuva kwa #tumbu werekeza mu #gihehe, gusubiramwo ibarabara rya #muyange_nyarunazi n'ibindi
Umukuru w'igihugu c'Uburundi Varisito Ndayishimiye yarashimiye indongozi z'iyo komine kuko ziri kukivi mw'iterambere yongera asaba abenegihugu kwama basa neza ndetse banasukuye misi yose.
Yasavye kandi abenegihugu bo mu gihugu c'Uburundi cane cane abanyagiheta kuba akarorero mu kurima mu myonga no kworora inkwavu kugira umuntu wese aronke ivyo ashora aronke n'amafaranga hama abone gusa neza.
Kuri uwo musi Komine Giheta yarashoboye gushimira abantu bitanga kugira iyo Komine itere imbere. Mu bashimiwe harimwo umutambikanyi w'umukuru w'igihugu c'Uburundi Angeline Ndayishimiye yahawe agashimwe k'inka yiswe #kirezi. Umuyobozi w'ishure #ecofo_rubarasi ryabaye irya mbere mu kibazo ca Leta yahawe urupapuro rw'iteka n'ibahasha hamwe n'inka agabiwe n'umukuru w'igihugu .
Samuel Manirakiza,umunyeshure afashwa na Komine Giheta yama aba uwa mbere yiga mu mwaka wa kabiri mu gisata cigisha umuyagankuba kw'ishure ry'ubuhinga ry'i #bururi, iruhande y'urupapuro rw'iteka yahawe na Komine Giheta, umukuru w'igihugu c'Uburundi Varisito Ndayishimiye yaramuhaye inkwavu_10 kugira mu mwaka uza azobe ashoboye kwironderera ibikoresho vy'ishure.
Umwigeme yigisha abandi kubumba inkono zisusurutsa imiswi y'inkoko hambavu y'urupapuro rw'iteka n'ibahasha yahawe na Komine Giheta, yararonkejwe kandi inkwavu 10 n'umukuru w'igihugu c'Uburundi.

+7

#gitega Igitoro ca magendo kirihaye inkumbi

🩸⚰️Abantu batatu barahejeje kwitaba imana uyundi umwe arakomereka mw’isanganya ry’imoto zibiri rihejeje kubera ku mutumba #kibande zone Kiriba komine Giheta muri kano gatondo ko ku wa 02/8/2023 kw'ibarabara RN12 Gitega-Karusi-Muyinga.
🎙️Nk’uko bivugwa n’abari ahabereye iryo sanganya, ngo imoto imwe yava muri Kiriba yari ihetse umuntu afise imandalena iyava mu gisagara ca Gitega nayo yari ihetse ibido y’igitoro n’ibibuni bitatu. Bamaze kugongana haciye haduka umuriro ivyo bitoro bica biraturira abo bantu barasha baratokombera hasigara umuntu umwe moto yamijuye hamwe n’ibibuni bitatu vyatarutse bitahiye. Uwo yakomeretse akaba yaciye ajanwa kwa muganga.

🚒🚔Musitanteri n’umunyamabanga w’umugambwe CNDDFDD muri komine Giheta baciye bahashika barikumwe n’igipolisi kijejwe gukinga impanuka hamwe n’inyamiramabi barafasha mu kwegeranya abo bitavye imana baranazimya umuriro.
😭😭😭Kubra ko abo bantu bahiye bagatokombera kandi akaba ataburuhukiro bashobora kubashiramwo bababaye nk’uko, Komine Giheta iciye yemera gufasha mu gikorwa co gushingurana iteka abo bahitanwe n’iryo sanganya.

Muri abo bagize isanganya abashoboye kumenyekana ni Nduwimana Chanel mwene Butoyi Dieudonné na Manirakiza Jeanine hamwe n'uyo yakomeretse Nkozemuminwe Vercus bo mu Giheta. Kuberako abo bari bafise igitoro bivugwako ari abo mu ntara ya Karusi batashoboye no kumenyekana, Musitanteri wa komine Giheta NINAHAZA Micheline asaba ko abobura ababo boheza bakahashika bakabereka aho babashinguye.

Joël NGENDABANKA Umuyobozi Mukuru wa Assurance BIC asaba bene amamoto kutirengagiza kuyarihira ama assurance kugira ntibahombe: «Vyoba bibabaje mu gihe bene izo moto boba batari bafise assurance», kubwiwe ngo Assurance BIC irahari kugira yorohereze bene ivyuma aho anasaba abiyunguruza n'abakoresha ivyuma kugirisha Assurance Vie gutyo bagize impanuka babe bayitegekanirije.

🎤Ninahaza Micheline asaba abenegihugu kuvavanura n’urwo rudandazwa rw’amagendo rw’igitoro kuko uretseko ruhanwa n’amategeko, ibitoro kenshi ngo birateza amasanganya y’imiriro. Agasaba kandi abagendesha amapikipiki kugabanya umuvuduko.
👊🏾Ikimenyeshamakuru #jpg c’intara ya Gitega kirahojejeje imiryango yabuze

#buraza DUHINDURE INGENDO

Hari kuri uyu wa kane igenekerezo rya 27 Mukakaro 2023, Niho abashingamateka n'abakenguzamateka batowe mu ntara ya Gitega bashika muri komine BURAZA mu ntumbero yo gutanga inyigisho zo gukunda no gukorera igihugu kugira bateze imbere igihugu cacu c'Uburundi ndetse bakaba babanje guca ku mutumba wa #kabumbe kuraba ingene bitabiriye rya sekeza ryo kujisha no kwuzuza ivu udushwaburira two guteramwo imivyaro y'ivyamwa

Honorable Lazare MVUYEKURE akaba yahuguye abenegihugu yisunze ingingo nkuru zitatu:
1. Kumenya igihugu kugikunda no kugikorera : Kumenya kahise,kubu na kazoza k'igihugu cacu twongere kukibungabunga
2. Iterambere ry'igihugu n'abenegihugu : Gukura amaboko mumpuzu no gutandukana n'ingeso z'ububegito zitera igihugu gusubira inyuma
3. Gukomeza Imibano myiza: Kugendera imico n'imigenzo y'igihugu cacu c'Uburundi kuko ari inkingi y'iterambere kuvavanura n'ingeso z'ububegito zitera igihugu gusubira inyuma nk'akaborerwe, ubusambamyi,ubunebwe.....

Ico mwomenya n'uko abeneburaza bari bitabiriye izo nyigisho ku rugero rushimishije ndetse bakaba bakengurutse ku nyigisho bahawe bakemeza ko bagiye kuvavanura n'ingeso z'ububegito kugira biteze imbere banateze imbere igihugu cacu c'Uburundi.
Ico gikorwa kikaba catewe iteka n'Umushingamateka avuka muri komine BUGENDANA Honorable Lazare MVUYEKURE Umukenguzamateka Honorable Spes NJEBARIKANUYE na Honorable Fidélité HABARUGIRA imvukira ya NYARUSANGE

#gitega. Twiyungunganye mu kwijukira imigambi yo kwiteza imbere!

Mu ntumbero yo kwitaba akamo ka Nyenicubahiro, Evariste NDAYISHIMIYE, NSHIMIRIMANA J.Claude ni Umuvuzi akiri muto akorera ku bitaro vy'Ababikira Songa i Betaniya. Kuva aho yumviye ko Gitega ibaye umurwa mukuru wa politique(Capitale politique) yaciye yegera ibanki asaba ingurane atunganya umugambi wa Imprimerie irimwo Secrétariat public, Imprimerie yise Imprimerie de la Capitale kugira yiyungunganye haruhande y'akazi ka Reta asanzwe akora ko kuvura Abarwayi!

Nkuko yabitumenyesheje tumugendeye, mu mwaka umwe gusa uheze atanguye uwo umugambi, amenyesha ko nubwo intango yamugoye cane, yashoboye kumenyera bukebuke nubwo aba Clients batari bamuzi canke ngo bamenye aho akorera ariko arashobora kuriha inzu akoreramwo no guhemba abakozi, akaba arangurira uwo mugambi ku Muco hagati ya Coopec Gitega na Clinique Vision Santé.
J.Claude NSHIMIRIMANA arashima kuba yarahaye akazi urundi rwaruka aho ahamagarira urwaruka kudatinya gufata ingurane mu mabanki na cane cane ko Reta MVYEYI NKOZI yashizeho ibanki ibagenewe n'Ikigo PAEEJ kiborohereza gufata ingurane vyoroshe!

+2

#itaba : ISEKEZA RYO GUSUZUMA ISHIRWA MU NGIRO RY'IMIGAMBI YA LETA.

Mu ntumbero yo kuraba ko ivyo abenegihugu basabwe n’indongozi babishize mu ngiro ,abagize umurwi ujejwe ishirwa mu ngiro ry'imigambi y'iterambere muri komine Itaba barishikiye kurubuga kuri uyu wa gatatu igenekerezo rya 18/07/2023 mw'isekeza ryo kugendera imitumba yose baraba ko ingo zashize mu ngiro ivyo zasabwe .

Ivyo navyo bikaba vyari ibikorwa vyo kuraba ko:urugo rwose rufise akazu ka s’urwumwe kubatse neza(katava; kugarwa kandi gafundikirwa),nyabarega n’imiburiburi 2, ibitungwa bifise uruhongore kandi bitaragirwa hamwe n’akarima k'igikoni kavomerwa muri rino ci.

Umunyamabanga ntayegayezwa wa komine Itaba Omer NDAYAHUNDWA akaba yari yishikiye ku mitumba 3 igize zone ITABA ariyo Macu,Mutanga na Karemba aho yagendeye ingo 60 mu zigize iyo mitumba arikumwe n'abakuru b'iyo mitumba n'abo bafashanya bakaba basanze ivyo bikorwa bitariko birashirwa mu ngiro ku rugero rushimishije.
Omer NDAYAHUNDWA akaba yaboneyeho akaryo ko kugabisha abatarabikora ko bategerezwa kuja ku rugero rumwe n'abandi bitarenze mu kiringo c'indwi imwe bitagenze uko hazofatwa izindi ingingo zo kubagorora na rirya biboneka ko n' akanya keza bahawe hari abatagakoresheje.

+5