Inkuru ya Mike

Agace 19 (Ka nyuma)

Twicaye hamwe muri ya salle niho umuzungu umwe yavuga ati: turanezerewe cane kubona dushoboye gushika hano...icatuvanye mu mahanga ninkuru twasomye kuri site web ikadukura muvyo twarimwo jewe nitwa John Parker nkaba ndongoye inzu ikora amareresi muri colombie twari tumaze igihe kitari gito turondera inkuru twokina kuburyo abashoboye kuzana izabo bose zitahuye niyo twari dukeneye kuko twashaka gukina ireresi yabirabure ku buryo bugezweho rero tumaze kubona inkuru yanyu kuko ubu tuvugana igeze kugitigiri cabantu bamaze kuyisoma imilliyoni ijana na mirongo itatu kandi ndabona imaze guhindurwa mu ndimi zitari nke,ni nkuru itangaje kuko yakunzwe idafise iherezo ari naco catuzanye. icipfuzo cacu niki twipfuza gukorana namwe ireresi yitwa "Story of my life'' nkuko ico gitabo citwa mutwemereye murashobora gukinamwo maze tukavugana ingene tubahemba mu ma pourcentage ijambo ni rwanyu
Jewe aho nari ndi numva narengewe nkumva ndiko ndarota nkibuka ko kuva nakera nari mfise indoto yo kuzoba umukinyi 'amafilm ariko ubu naza naravyibagiye ca ndamwenyura ndaba Nice nti: Mi Amor uvyumva gute?

Nice:ndavyumva sawa kandi ndazi ko ariyo ndoto wamanye kuva ukiri muto nizere ko aya mahirwe udashobora kuyapfusha ubusa
Jewe nca ndaba imbere ndavuga nti: Nukuri nigitangaza ariko numva ata vyinshi norenzako ahubwo numva tworeka guteba tukaja mu bikorwa
Kuva uwo mwanya twatanguye kwitegura haragera igihe biba ngombwa ko je na Nice badusaba kuja muri America gutangayo ibiganiro namatelevision kuko twaguma turonderwa tukabazwa ibibazo bitandukanye kandi aho twaja hose proffesseur yaraduherekeza mbere nibibazo vyinshi niwe yavyishura kuko we yarabimenyeye.

Ifilm yarakinywe irasohoka igira amahirwe adasanzwe kuburyo yatumye mba umukinyi mushasha wa mbere w'umwaka muri Award yari yateguwe na colombie.
Film yakinywe ku buryo butangaje kuko amasanamu ahereza atari ibikino ahubwo ari inkuru y'ukuri kuko Mariage yanje na Nice yabaye turiko tura tourna ifilm kandi iba mpuzamakungu kuburyo abakinyi bamareresi rurangiranwa bose bo kwisi niho bari bibereye.
Mike na Nice ubu turashaje kandi dukundana nkababonanye ejo.
.
Ndanezerewe cane kubona mwarakurikiye ino nkuru mu kayikunda kandi nizera ko yabafashije cane nkuko nanje yagiye iramfasha ndiko ndayandika ku musi ku musi.
Sinayanditse ndondera kubateramisha canke ikindi cose ariko nayanditse ndondera umutima w'umusomyi.
Burya umutima w'umuntu niwe muntu nkuko ijambo ry'Imana ribivuga riti Zigama umutima wawe kurusha ikindi cose kuko ariho hava Ubuzima
Nanje intumbero nyamukuru nashaka ko buri yosoma ino nkuru yomuhindura kuko abenshi isi iradutwara ibidukikuje nibihe bikaduhindura tugafata amerekezo mabi kubera uguhitamwo nabi arico gituma nashimikira cane ku mahitamwo n'urukundo burya bino bintu bibiri birakomeye cane mu buzima bw'umuntu ku buryo niwavyitwaramwo neza nta kabuza ejo hawe ni heza
Ica mbere iga guhitamwo neza: hitamwo kubaho ukwo bibereye
hitamwo kwakira mu mutima ibiwukiza
hitamwo kugira ubuzima bufise intumbero
hitamwo buri musi kuba umuntu mwiza kurusha uko wari ejo
hitamwo kubera icitegererezo abakubona
Ica kabiri n'urukundo
Urukundo burya ni kirumara mu buzima bwa kiremwa muntu kuburyo ata muntu numwe afise uburenganzira bwo kucirengagiza
Kunda mugenzawe nkuko wikunda
Kwisi ntawuhangana n'urukundo ngw'arutsinde kuko guhangana n'urukundo ni uguhangana n'Imana
Ico utipfuza ko bakugirira ntukipfuze kukigirira uwundi.
.
Inkuru yanditswe yongera ibashikirizwa na Duc Authentique
.
Ndabakunda cane
.
Mumbwire uko mwabonye inkuru aha hepfo bandikira

Inkuru ya Mike

Agace 18

Nitegereje neza uwuhagurutse agatambuka imbere neza na neza yari wa mugore nabona umutima ukamvamwo yarumwe yari yantoreye ingondo nza numva umutima urasimvye rwose ariko nza numva Nice amfashe ikiganza nca nibuka igihe mwisengero basenga nkumva nokwiruka naho nyene Nice yamfashe ikiganza nca ndiyumvira nti: Nice yama amfata ikiganza nkuko iyo mfise ubwoba hari ikintu kigomba kibe nca ndihagararako ndatekereza mpanga amaso imbere

aca aratangura aravuga ati: burya mu buzima harivyinshi twirengagiza kandi arivyo bikomeye ariko ugasanga ivyo twitaho arivyo bisanzwe akenshi na kenshi mbere ata kamaro na kamwe biba bidufitiye ahubwo usanga aribitwica bikica nabo duhura nabo bakatwigirako. Burya ikiza kwica umuntu si misi yose kiba kinini nkuko nigishobora gukiza umuntu atari ngombwa ko kiba amahero.

Akenshi turabisha amaso tukumvisha amatwi ubwenge bugacira urubanza ibije umutima nawo ukakira ukabika ahadata.
Ubuzima bugizwe no guhitamwo. Imana ntiyadushize kwisi ngo tube ibirobo vyayo ariko yadushize imbere vyose umugisha numuvumo maze iduha uburenganzira bwo guhitamwo. Rero ukwo guhitamwo kwambere ahantu guhera ni mu mutima. Urafise uburenganzira bwo guhitamwo ico wakira ukabika mu mutima wawe. Ikiri ku mutima wawe nico rero kitanga ico uri co, ico uri sico abantu bakuvugako,sico ushaka kuba,sico werekana ko uri,sinico wabwiwe k'uri ariko ico uri nico umutima wawe ukubwira bivanye nivyo wawubitsemwo.

Akenshi rero biva ku gusamara guto cane gufatanye nukwirengangiza bigaha inzira akiyumviro gato kabi kamwe ka nibisamzwe ariko kagakura hama kakavyara igisanga kinini nkuko abajeune bakunda kubivuga. Vyatanguye mpejeje amashure ya kaminuza aho nari maze imyaka ibiri nshomeye ntabona ico nzoba co rero niho haza umukobwa ntari nzi ambwira ko harukuntu twobigenza ubuzima bugahindura amerekezo tukaba abandi bantu tutigeze kuba bo mbere tukaba abifuzwa na buri wese. kandi koko niko vyari biri kuko nyum yo gukora ivyo nakoze nabaye umutunzi atangaje ariko vyose bwari ubutunzi busa nubutunzi ariko atari ubutunzi kuko itunga nyakuri n'umutima runtu namahoro mumutima nugutekana ukarya bike ukaryama kare atawe uhohoteye. Nasinye amasezerano ntazi ivyarivyo kuburyo nisanze nkorana namadayimoni mu buryo ntaziga biba ngombwa ko nkora ivyo bambwiye vyose ntodondagura ngo mpeze ariko kimwe nobabwira nuko igihe kimwe nari narabaye umumaman ariko nta mwana nari narigeze ndonka kuko uruvyaro rwanje rwose nari nararukavye nitunga niho rero haza uwundi mudayimoni twakorana akambwira ko hari mission ngiye guhabwa nayo ikaba yariyo kuryamana numuhungu w'umusore sinarinzi ico bashaka gushikako ariko mu nyuma numvise ko yashakwa kwicwa kuko ngo kubaho kwiwe kwoteza ivyago mu bwami bwabo mu gihe ca kazoza. Niho nashoboye gukora mission igenda uko yateguwe maze mpabwa amahera atari make gusa ndashima ko igihe kigeze Yesu yambabariye akankura muriyo migozi ya Satani nkaba nanje nipfuza gusaba nciye bugufi imbabazi uwo musore kuko ndazi ari muri kino kibanza nimba binsaba no gupfukama ndaza gupfukama ariko imbabazi ndazihabwe.

Yahejeje kuvuga jewe amosozi numva atanguye gukoroka kuko ukuntu yabivuga yaranteye ikigongwe nirengengiza imibabaro nagize jewe numuryango wanje arikp numva mu mutima nkwiye gutanga imbabazi nkiriko ndiyumvira numvise abantu bose baguma boyogora uruyogoyogo rwuzura salle baguma bahindukira baraba hirya no hino ndavye imbere mbona wa mugore aza yapfukamye yewegaye nahagurutse niruka nca ndamusanga imbere sinzi ukuntu vyanjemwo nanje ndaca bugufi ndapfukama tuca turahoberana tumara umwanya duhoberanye namosozi twese atemba haheze akanya nca ndamurekura ndamubwira nti: humura Satani yaraneshejwe muvyo yaragamije nta na kimwe yashitseko kuko yaba jewe yaba wewe twese turi bazima kandi nico gikuru dushime Imana gusa.

Nakanzwe namashi menshi numvise mpindukiye mbona amaterefone yose hejuru kumbe baciye badufotora birakomera ibintu biba ibindi
Je nca ndava imbere ariko nagiye numva umuntu ankweze ukuboko mpindukiye kumbe yari proffesseur aca arantungira ukuboko ahantu nza mbona abantu benshi binjiye ahantu twari turi natangajwe nuko harimwo abazungu nza mbona Nice ari kumwe nabo baza baravugana ndatangara cane nti:ibi nibiki pro?
Proffeseur: ahubwo nanje nivyo nagira ndakubaze none Nice azinaniye he na barya?

Tukiraho baba baradushikiye baraturamutsa nza numva Nice ati: Mike ndabizi uratangaye ariko vyinshi uraza kubimenya aba nabantu bipfuza kuvugana nawe inyuma yiyi seminaire
Jewe nti:nta kibazo
baca barandamutsa nza numva umuzungu umwe ati:c'est toi Mike?(ni wewe Mike)
Jewe: Ah oui c'est moi
Proffesseur niwe yaciye abaganiriza abereka niyindi salle bajamwo nanje nsigara ndabaza Nice nti: oya mbwira neza ch ibintu vyo kuguma umpisha ibintu sivyiza
Nice ati: hhh chr aho rero uriko urishavuza wibaza ko unkanga
Jewe: hhh iya ch mbwira plz
Nicek basi barya naban...

ataraheza haba haraje umuntu ashika avuga ati: Mike na Nice murashobora kunyemerera nkiha selfi ndi kumwe namwe
Twebweh nta kibazo
Tuca turifotora ifoto zibiri za selfi aca aradushimira ati: merci bcp
Ariko natangajwe no kubona salle yose idutonzeko bose batwifotorezako ku mutima nti:ndabaye umustari daaa
Nakijijwe na proffesseur yadukweze akatujana muri ya salle yashiramwo ba bazungu dushitse ku muryango ati: Mike mukabimpisha koko mwe na bernice?uzi ko ubu tuvugana maze kuronka.. iya nako injira nwe wiyumvira
tuca turinjira hama turicara maze umwe muri bo aca aravuga ati...

Agace gakurikira karaje

Inkuru ya Mike

Agace 17

Maman aguma yitegereza Nice cane nanje ndateba ngira
amakenga haheze akanya nza numva Maman avuze ati:
KANEZA??

Ndakangukwa nti: Maman uri mu biki? Kaneza umubonye he?
Maman: None uyu mukobwa si Kaneza?? Erega ndabona agifise
na ka kabangiri namuha!
Nice: Ego Maman Mike ni jewe Kaneza umbabarire ahubwo
kubona ntashotse ndakumenya nari mpangayikiye Mike!
Maman Nice: Yooo kibondo canje disi igira hano umpobere
ndumva utigeze uhinduka!
Jewe: Nooo ntibishoboka? Kaneza??? Hmmm Nice mbwira
neza...

Mbona ahoberanye na Maman haheze akanya arambwira ati:
Mike ni jewe Kaneza ni jewe Bernice kandi ni Jewe Nice wamenye
mu buryo butatu kandi icatumye ubwo buryo bwose bugusigara
mu bwenge nuko bwari bufise ico bwavuga kuri jewe nawe kinini!
Jewe aho nari ndi narumiwe ndetse nitegereza Nice maze nsubiza
amaso inyuma nibuka vyinshi ku buryo vyananiye kwifata
amosozi yaciye akoroka nca ndamuhobera haheze akanya nca
ndamurekura maze ndamufata ibiganza nti: Mbabarira Nice ku
ncuro zose nagukomerekeje nibigira nkana...

Nice: Mike vyose vyabaye kubw'impamvu kandi ivyacu namateka
maremare azofasha abazoyumva canke abazoyasoma nico
gituma nticuza buri kimwe cabaye hagati yacu canke kubuzima
bwacu!

Tuca turahindukira turaba Maman maze ndavuga nti: Maa
nezerewe kukwereka Kaneza nanje kuko ariwe wantanze
kumumenya maze ukamukunda ntaramukunda nishimiye
kukubwira ko ari we Mana yangeneye kwariwe mahitamwo yanje
niwe azoba aho ndi nkaba ahari nduwiwe nawe akaba uwanje
nsiganwa nimisi ngo buce kabiri tubumwe imbere y'Imana
n'abantu Maa n'umugisha kubona uje uziye igihe nyaco nahora
ndira kenshi nipfuza kukubona ngo vyibuze basi ndakweke kaneza
k'umutima kanje ingene kangaruye mwisi yabazima igihe nabona
umwijima gusa nahora nipfuza kukwereka akamalayika karinzi
kanje Imana yandemeye atanumwe tugasangiye kwisi kuko iteka
ryose kitwararika ukugubwa neza kwanje
Maman numva atakindi nokitura atari ukugafata ikiganza nkaza
nciye bugufi imbere yawe ukaduhezagira...

Maman aho yarari yaramwenyuye aravuga ati: Ehe ingene
muberanye disi mbega ninde yotandukanya ico Imana
yifatanyirije ko bigaragara neza ko ivyanyu Imana ibirimwo reka
nanje ndabahezagiye bibondo umugisha w'urukundo uze
ubakurikire mu vyanyu vyose!
Twese: Urakoze Maman!

Tuca turamuhobera mu nyuma biba ngombwa ko dusezera ibitaro
turataha umunezero tuja kuwutura Maman Nice nawe amaze
guhabwa inkuru yose amarira yamutembanye aca arihanagura ati:
Nukuri murihangana mwaciye mu bikomeye!
Maman: Turi mu nzira Mike yambwiye ingene wamugiriye neza
ndagushimiye cane Imana ize ibiguhere umugisha!
Maman Nice: Oooh nukuri simfise ico novuga gusa ishimwe ku
Mana yo mwijuru!

Aho nari sinzi ukuntu hanjemwo iciyumviro nca ndahaguruka
ndagenda mu kabati nca ndabona ryacupa rya vin non alcoolisé
twagura tuvuye muri Kenya sinzi ukuntu naryibutse kuko twaza
twararyibagiye kandi hari haciye igihe kirekire ariko nca
ndaribona ndarizana nti: Alléee uyu numusi w'umunezero
dutegezwa kuwuserebura!
Nice nawe yavuze yahagurutse yazanye uturahuri tune maze
umunezero wuzura imitima yacu.

Burya mu buzima nibintu bibiri bigenda bibangabanganye kandi
kimwe aho kiri cibagiza ko ikindi kibaho iyo uri mu magorwa
wibagira ko umunezero ubaho ndetse ukibagira nuko wigeze
kunezerwa kuburyo wumva wobaza ingene kunezerwa bimeze
ariko kandi iyo uri mu mahirwe wibagira ko wigeze kubabara
ndetse ukibagira ko kubabara bibaho ariko igikuru muri vyose
nuko vyose bikoranirizwa hamwe kutugirira neza kuko mu vyago
turahigira mu munezero tukaharuhukira ico dukeneye
nukwihangana gusa burya nta mvura idahita kandi nahijoro ryoba
rirerire rirateba rigaca.

Jewe ubwo numva neza ko ijoro ryamaze guca nibutse ko mfise
abavyeyi babiri Maman na Maman Nice nkibuka nuko mfise Nice
numva ndumunyamahirwe wa mbere kwisi yose ubwo tukiri
mumunezero twakanzwe numuntu twumvise yinjira aririmba
ngo: Nzokunywaaa wa sodaaa n'inyana mbona zipfaaa kandi
zinywa amataaa ndalalaaaaah...

Kumbe yari kadogo twese twatwengeye rimwe tumubonye
nukuntu yari yafashe ubuseriye muri uniforme za secomdaire
naramwitegereje niho nabonye ko Kadogo yabaye umugabo kbsa
nza numva Maman Nice: Mba mba mba! Kadogo mbega we
nzokugirante ko wananiye ikizi nimbavu zanje?!
Kadogo: Eeeeh ndazigorora nyene hamwe zisigara zimeze
nkizaciweko ni pasi nako niferu!
Twese: Hahahaha!
Nice: Aho ga Kadogo ntiwabo...

Ataraheza kuvuga kadogo amucamwo ati: Eehee kora aha ku
gisakanwa wumvirize uce wumva ko udakwiye kumbatiza irindi
zina!
Nice aca arakorako sinzi akantu yashikuye tuza twumva
arakomye induru Kadogo ati: Yampayisuka ararutwaye weeee
ntabara ntabaraaa!
Twese twakomeje kwumirwa Nice we yari yakumbagaye ati: Ego
shaa niho ayo manyama yohera nkavuga ukanyumviriza wariko
wishimana aka kanwa kamwe ngo wabaye umugabo rero!
Kadogo: Nuko nyene dukundana nayahandi...

Aca arahindukira arandaba akubita isari yigisirikare ati: Eh boss
sorry nari ndakuvogeye ariko burya nawe burya ukwiye
kwikubita akamo nkakubatiza irinda zina nkaa hinge twumva
nkaaa Papa Lil Mike canke Nicette hama nawe Nice nsaka
kuzokwita Madam mbe harya ni nde?? Reka noneho nicare
ndabona aruguserebura...

Jewe: Kadogo nturakira kabsa ehe basi ramutsa Maman!
Kadogo yarakangutswe cane vyanyeretse ko atari yamubonye
ariko binkora ku mutima ukuntu ashitse amenya akazi kiwe ko
arukudutwenza gusa maze arahaguruka aramutsa Maman
amwubashe hama tubandanya kunezerwa haheze akanya niho
numva fone yanje isonye ndavye mbona ni numero ntazi nca
nditaba numva ijwi nca ndarimenya yari proffesseur nti: Oooh
Proffissor vipi?

Proffesseur: Powa sha uzi ko nawe atavyawe nkaguha numero
ariko ntunambipe ngo ntume mbona numero zawe??
Naciye nibuka ko kuva ca gihe tugiye muri Kenya ntigeze
ndamurondera kandi yari yarampaye inumero numva
ndamaramaye nti: Yoooo! Nukuri sorry sana noneho nca amande
yose ushaka kuko naradekonye ndavyemera!

Proffesseur: Njanye naho ukora nkumusoda ukaba uzi ko ikosa
ryose rijana nigihano ariko jewe sindaguhana ngo mbabaze ariko
kandi sindakureka ngo ugende uko noneho uno musi saa cenda
ndabakeneye mwe na mukawewe hamwe habera iseminere ejo
hari igishingantahe gikomeye ntagomba ko muhomba!
Jewe numva umenga uwo musi nowureka tukinezerererwa
numuryango ariko kubera naza namaze kumwemerera nta yandi
mahitamwo nari mfise namubwiye nti: Sawa isango ni harya
nyene rero!

Nca ndava kwi fone maze nongorera Nice nawe aremera hama
amasaha akomeza kugenda gushika hageze turitegura turagenda
dushitseyo twasanze twiteguwe bihagije kuburyo batwicaritse mu
myanya y'imbere naho tutabishaka ariko proffesseur yabigize
itegeko mu nyuma haragera aho baha umwanya uwushaka
gushinga intahe mu kwitegereza neza mbona ni...

Agace gakurikira karaje

Inkuru ya Mike

Agace 16

Nshize fone ku gutwi numvise ijwi nca ndakangukwa kuko
numvise ijwi neza neza umenga harahantu ndarizi ariko numva
arambajijie ati: Ni mwebwe MFURA Mike?
Jewe: Ego ni jewe! mwebwe muri bande?

Nawe ati: Jewe nkora kuri hotel iraha muri ville ejo hakaba
harabereye seminaire tukaba twarabatoreye ingondo mwataye
murashobora kuza kuyitora!

Jewe nkangutswe nca ndahaguruka ndaba mwipantalon nari
nambaye nsanga koko ntayiriyo nca ndamubwira nti: Yooh
vyukuri nivyo kuko nanje ubu ndaravye aho nayiziga ntaho
mbona none nobabona gute ngo muyimpe ndanabashimire?
Nawe: Urashobora kuza kuri reception niho unsanga nca
ndayiguha?

Nta kindi nakoze maze kuva kuri fone niteguye ndasohoka mu
nyuma nja gutora ingondo yanje kuko yarimwo ivyangomba
vyanje vyose.

Mu gihe gito nari ndahashitse ndangurura kuri reception ariko
ndahasanga umuhungu ndamuramutse nkitanguye kumubaza
terefone yo kuri reception ica irasona wa muhungu aritaba haheze
akanya aca arasohoka ambwira ati: Ingo ndakwereke uwo
urondera.

Jewe mca ndamubaza nti: Wammenye gute canke wamenye gute
uwo ndondera ko ataco ndakubwira?
Nya muhungu aca arandaba aca aratwenga ati: Raba harya? Uce
ubihuza na terefone mpejeje kwitaba...

Yanyeretse camera de surveillance nca ndabitahura neza nca
ndamukurikira twaraduze gushika kuri niveau ya nyuma aho
twakatiye mu biro bimwe nca ndinjira wa muhungu asubira
inyuma ninjiye nasanzemwo umugore avyibushe cane yari
yifunze igitambara mu mutwe yambaye amarori yamaso
ambonye mbona arahagurutse aje ansanga aho nari ngenze mu
mwango aranyitegereza neza nza numva aravuze ngo: Ce n'est
pas possible!

Yabivuganye ikiniga kuburyo namwitegereje mu maso mbona
atanguye kurira haheze akanya nza mbona arahindukiye amtera
umugongo aguma arira.

Jewe sinatahura ivyarivyo nti: Mada mufise ikibazo ki?
Nsinzukuntu ataranyishura mu vyiyumviro vyanje haciyemwo
ishusho ya wa mugore yamfata ku nguvu muri hoteri nza numva
ndazunguriwe mpakwa kurwa hasinari nishimikiza kuruhome nca
mbona aho ingodo yanje yariteretse iruhande nca ndayitora
nsohoka niruka mpunga ntazi ico ndiko ndahunga kuko numvise
umutima utera cane nkiriko ndamanuka numvise ijwi rya
wamugore inyuma yanje rimpamagara cane ngo: Mike!!!

Ariko ubwenge bwanje bwampatira guhunga ndiki ndagemda
munzira mu modoka nakomeze kwumva ijwi rya wa mugore
ampamagara gushika aho narekuye volant nkazibira amatwi nkiri
muri vyo numvise ikintu kivuze ngo poo amaguru yihutira
guhonyora frain hafi guca muri parabrise nari nubitse umutwe
kuri volant numva ubwoba ari bwinshi niyumvira nti Mana
ndagusavye ntihagire umuntu naka ubuzima atarije nabumuhaye
nkiri muri vyo nza numva umuntu ankweze ishati hafi kuncisha
mwidirisha ati: Uramwishe sha hama uguma mu modoka ca
ngaha nawe tukugire nkuko umugize!

Ubwo batanguye kunsohora kunguvu ndasohoka nsanga abantu
bashengereye umuntu aryamye hafi aho yari aryamye hari huzuye
amaraso nza numva umenga umushatsi wose uramvuye ku mutwe mbura ico mvuga nkiri murivyo nza numva ikintu kimeze nka circuit mu mutwe nkanuye amaso nza nibona ndi ahantu ndiko
ndagenda mu bugararwa nca mpura numukecuru aryamye hasi
nkaba nari mfise amazi mu gasaho nariko ndagendana nca
ndamuramiza haheze akanya aca aragarura udutege hama nza
numva avuze ati: Mike Mfura yanje ndongeye ndakubona murubu
bugararwa ndimwo aho bose bandaba bagatwenga abandi
bakaraba hirya enda nyandaza unshikane imbere ndumva Imana
igira itumurikire!

Nca ndamwandaza hama turenguka imbere nza mbona itongo
ryiza ririmwo ibiti vyinshi nivyamwa vyinshi nimigenzi myiza
nca turarabana na Maman tuca turatwenga nca nongera ndaraba
inyuma nti: Wa bugararwa we twaragutevyemwo
twaragusinzikariyemwo ariko ubu turashitse ku mpera yawe
nizere ko ataho tuzosubira guhurira...

Tuca turaraba imbere tumanuka muri rya tongo tunezerewe harya
nyene turishitsemwo niho naza nongera gukanura nza mbona
nryamye ahantu mpindukije amaso iruhande mbona Nice ariko
ararira amaso yatukuye nca ndaduza ukuboko ndamukora mu
mishatsi aca arakangukwa kuko nubwo yarakanuye siho yarari
kuko je nabona umenga arambona nca ndamubwira nti: Rukundo
rwanje niki cakugize uko? Niki catumye uhogora? Mbwira
mpangane naco nifatikanije nabamalayika ngwanye ikizana
amosozi ku maso y'umwamikazi w'umutima wanje?

Nza mbona Nice arongeye ararira aca anryamako ati: Chr narinzi
ngo uriko uragerageza kunsiga uzi ko umaze indwi zibiri muri
coma!
Jewe nca ndakangukwa nti: Saaa? Inde? Jewe? Nabaye iki jewe
ko mperuka...

Nca ndibuka ingene nari mvuye gutora ingodo yanje nibuka
umugore yantesheje umutwe nca ndibuka umuntu nagonze nca
ndakangukwa kandi nti: Yarapfuye chr??
Nice: Chr mbe urazi ko wagonze umusazi hm oya nako umurwayi
wo mu mutwe Imana imbabarire nari mvuze nabi!
Jewe: Yooo none ameze gute ntumbwire ko yapfuye nukuri?
Nice: Oya ubu aracari aha mu bitaro gusa na wenyene amaze
igihe muri coma kuva urya musi

Jewe numvise mu mutwe hatekeye ndabaza Nice nti: Ibi n'ibiki
numva mu mutwe?
Nice: Ch rega urya musi ugonga abanyagihugu baragufashe
baraguhonda gushika utaye ubwenge gusa uwagukubise icuma
co mu mutwe ubu arapfunzwe!
Jewe: Yoo! Mbe vyagenze uko oh lala! Ariko numva nshaka
kubona uwo muntu nagonze woshobora kunyandaza ukaja
kumunyereka chr aho arwariye!

Nice yarampagurukije anyicarika ku gakinga karaho hafi ku
numva mbabara umubiri wose kuburya vyananiye kwitambukira
aca agenda aransunika twinjira mu cumba cari iruhande nca
ndabona umuntu aryamye.

Numva nshaka kumukorako ca ndamufata mu kiganza ubwo
nyene nca nsubira kwibuka ndiko ndamanuka hamwe mu
bugaragwa na maman nza numva ikiganza cuwo murwayi
kirangumije rwose ndavye mbona ariko aragerageza kunyiganza
amaso haheze akanya aca arakanura bukebuke aca arandaba
duhuje amaso sinzi aho twese amasozi yaturutse nza numva
arambwiye ati: Mfura iri niherezo ry'ubugarwa bwacu iki nigihe
co kubaho!

Yavuze uko nisanga navuze nti: Maman!!!
Nawe ati: Sabwe Mwananje!
Sinzi aho yakuye udutege aca aricara tuca turahoberana
Nza numva Nice ati: What?? Mike uyu ni Maman wawe?
Jewe: Ego Nice nguye uwo twagoranwe nako uwagowe kubera
jewe gushika ndamugonze kubera ibibazo ntazi iyo vyari
biturutse!
Nca ndaba Maman nti: Maaa mbabarira ndazi ko ari jewe sooko
ya vyose...

Maman: Oya kibondo canje burya kwisi ntakibera ubusa kandi
ikitakwishe kiragukomeza igikuru nukur nsubiye kubaho nkabaho
ndakubona kuko mu bintu nari narasavye Imana nari nayisavye
kunkuraho kuko narabaye umunyantegenke birananira
kwihanganira kukwitegereza uriko uragenda niho nabwira
Imana ngo inyake ubuzima hama nisanga mu bugararwa aho
nabona bose bantwenga bose bantunga intoki bose banyiyama
ariko uno musi Imana ingiriye akagongwe iranzuye insubije
ubuzima insubiza n'umwana wanje nari ngira nakwe ntanka Mike
naragukumbuye...

Tuca turasubira turahoberana amosozi yanje yari yaramenyeye
gutemba aja mu nda uwo musi yarahinduye inzira atemba ku
matama icari kiryoshe nuko kuriyi ncuro ataray’ umubabaro kuko
ayumubabaro twarayarize bihagije carigihe co kurira amarira
y'umunezero ugeretse kuwundi jewe na Maman twatandukanijwe
nibibazo ariko dusubiye guhuzwa nibibazo.

Jewe na Maman twari dufise vyinshi na cane cane jewe mashaka
kumubwira kuburyo nabuze naho mpera nkaguma ndamuraba
nkaca mwenyura nkongera nkamuhobera haheze akanya Maman
yitegereza Nice cane kuburyo nanje vyankanze nca ndaba Nice
mbona afise ka Kabangiri nza numva Maman aravuze ngo:
Kanezaaaa???...

Agace gakurikira karaje

Inkuru ya Mike

Agace 15

Nca ndamubwira nti: Ndagukunda!
Nice aca arakanura arandaba duhuza amaso amwenyura ati:
Ndagukunda nanje!
Muri je numva umenga niho nkivutse numve umenga nobaza
ukuntu kwisi babayeho.

Numva ndumushitsi hano kwisi kuko Nice yantwaye mu yindi si
nca nibagira ivya kera vyose maze mba mushasha amenyo yanje
ntiyava hejuru kuko uko navuna urugohe namubona amwenyurira
nanje nkamusubiza mwenyura nigihe naba ndiko ndijana mu
nzira bose banyita umusazi ariko nanje sinatahura ukuntu bose
batameze nkanje uwo musi nabajije Imana icp nayihaye kugira
indemere ikiremwa cisa kwisi nzima nshitse mu cumba canje
narapfukamye ndakengurukira Imana kurusha uko nigeze.

Uko niko urukundo rwa je na Nice rwatanguye rugenda rukura
buri musi.

Igihe kimwe Nice yansanze ku kazi aho nari nsigaye nkorera mu
biro kuko twari twarateye imbere dufise amapharmacie menshi
bujumbura no mu gihugu hagati je nanje nakurukiranira online
uko imiti isohoka mu mapharmacie yose urumva naguma
nigaramiye mu biro vyiza cane ndaba ku machine nza
ndacishamwo ndaba kwifone ko ntobona Nice online ngo
ndamubaze ukuntu ameze kuko numva nshaka kumenya uko
amara buri segonda nkiriko ndaraba muri fone numvise umuntu
atwenga ati: Ndagufashe chr uriko uraraba nde?

Jewe nca ndunamuka mwenyura nti: Waooo! Ibaze nawe honey!!
Yari Nice ati: Canke sha uriko uranca inyuma?
Jewe: Ego nyene hhhh
Aca araza aransoma ati:Wihenze sha nokumanyura!
Naciye ndamwitegereza ukuntu yabivuze nca ndatwenga rwose
nti: Hahaha none nka wewe womanyura umuntu muzima? Ko
nikiziga utogishobora?
Nice yishavuje ariko narabona ko atari ivya serieux ati: Uvuze
ngwiki chr? Subiramwo?

Jewe nti: Mvuze nti ndagukunda my mutima
Aca atora ikintu cikibumbano cumuntu cari giteretse kumeze ati:
Hinge ndakwereke!
Nca ndamwiyaka ndiruka nawenaguma ankurikira nanje
ndamukwepera mu ntebe zama coussin zari hirya ahantu nakirira
abashitsi bicaye neza mu ma diva.
Nsinzi ukuntu natsitaye ahantu kwitapi nca ndarwa hasi nca
ndipfisha.

Nza numva Nice aguma ankorakora anyiganza yongera
ampamagara atanguye guhangayika biranka ko nifata nca
ndaturika ndatwenga aca ankubita ikofi ati: Ingene gisa urazi
ingene unkanze nurwarurutwe!
Jewe: Mpana basi bae!
Aca anryama hejuru ati: Ndaguhanye!

Nanje nti: Iki gihano gihoreho ndasavye kuko ndumunyamakosa
adaharirwa!
Tuca tuguma turyamye aho gushika igihe Nice yakangutswe aca
yongera arankubita ku gikiriza ati:Mike urazi ko nkubu nibagiye
icanzanye kubera wewe?
Jewe: Mbwira Mi Amor nguteze yompi...

Nice: Amaki?
Jewe: Amaguru...
Nice: We nuwoguhana ntiyoheza haguruka ahubwo ingo
ndakwereke ahantu tuja!

Nta kwirirwa ndamubaza nugaye ibiro twinjira muri Allion yanje
Maman Nice yati yaranguriye maze agenda aranyereka aho
nkatira gushika dushitse ahantu hamwe muri ville hari inzu ya
etage turinjira tuguma tuduga gushika duserukiye ahantu hari
salle yuzuye abantu benshi numugabo imbere bisa naho harivyo
yariko arasigura maze abaprotocole baraza batwereka aho twicara
ariko natangajwe no kubona umugabo ariko arasigura imbere yari
Proffesseur umwe twahurira mu ndege tugiye muri Kenya.

Nza numva aravuze ati: Burya rero urukundo abantu bose
barafise uko barusigura bivanye nivyo bamaze kubona kwumva
canke gucamwo aho usanga mbere bivanye n'uguhemuka canke
uguhemukirwa hariho nabatemera ko urukundo rubaho ariko
ikintu umuntu adakwiye kwirengagiza nuko iyaba atarukundo
ruriho n'isi ntiba ikiriho kuko nimba harikintu cogenda neza hano
kwisi nuko hariho urukundo kandi nahari urwanko har'urwanko
kubera higeze urukundo kuko nta muntu avukana inabi ariko isi
niyo igenda itubibamwo ibibi bimwe bimwe hagera aho biseruka
bikagira ingaruka kuri benshi murabo je nawe turimwo...ntiriwe
ndavuga vyinshi urukundo niki? Urukundo ni ukwumva ko uwo
muntu ukunda akwiriye ivyiza vyose urukundo nicemezo co mu
mutima kikubwira ko aruyo nyene waremewe urukundo
samajambo canke ibigumbagumba ariko urukundo ni
ukugaragara kw'Imana n'ubumana bwayo mu bantu bigatuma
ukunda ataco ushaka kugerako atari ukugubwa neza kw'uwo
ukunda,urukundo rurihangana urukundo rwemera vyose
urukundo ntirutsindwa...umwansi wambere w'urukundo
n'ukwikunda iyo Imana yikunda ntiyari gutanga umwana wayo
ngo aze kudupfira iyaba Yesu yarikunda ntiyari kwemera
guhinduka icaha we atigeze acumura kugira ngo muri we turonke
ukugoroka Iyaba Rwagasore yarikunda ntiyari gufata risque yo
guhangana nabazungu babakoroni we atakibazo na kimwe
yarafise yari kwigumira mu bubirigi akareka abarundi
bakabandanya bakubitwa bacurwa bufuni na buhoro ariko
yarihevye kubw'urukundo yakunda uburundi
arabwigura...ikibazo abantu benshi bafise babuze ukwihangana
abenshi bicira inzira za hafi c'est vrai muri bo barashaka
gukunda no gukundwa kuko ico nicipfuzo buri wese avukana
ariko umuntu wese kwisi arafise uwo yaremewe mugabo ni bake
bagira amahirwe yo gushikira uwo baremewe kuko benshi
bacikira intege mu nzira bakigeragereza bahigisha amaso yabo
ariko benshi bakuramwo uguhemukirana canke ingaruka nyishi
bijanye nashka ndababwire ko uw waremewe umusi mwahuye
ntuzoba ukeneye guteka imitwe ukuntu womutereta imitima
ubwayo izokwemezanya ko mwaremewe kuba umwe hama
muzokwisanga murumwe nyene...est-ce que hano harabantu
barwisanzemwo ata effort bagize?Nimba bitabatera isoni muduze
ibiganza!

Aho narindi nadugije ikiganza nsanga naduzanije nica Nice kuko
sinamenyeye igihe namufatiye ikiganza tuza twumva amashi
menshi cane isalle yose nza numva Proffesseur araduhamagaye
ngo twigire imbere.

Maze turagenda imbere niho Proffeseur yatangaye atubonye ati:
Ndarota canke? Mike ni mwebwe?
Jewe: Ni jewe Prof turongeye turahuye!
Yaradupresence hama avuga ati: Reka mpere ku mugabo
wamenye gute ko ukunda Nice?

Jewe: Sindabizi gusa navyisanzemwo! Sinzi ico nkundira Nice
sinzi uko vyaje ariko ico nzi ni kimwe Nice ndamukunda nkuko
nikunda iyo ndiko ndiyumvirako canke iyo niravye mu kiyo au lieu
yo kwibona mbona Nice ukuri kuri ku mutima kutagira amajambo
yo kubivuga noneho nta jewe ata Nice...

Amashi yongeye kuba urufaya kandi haheze akanya begera Nice
nawe amubaza kwakundi nyene ariko natangajwe no kubona Nice
atora flash mu mufuko agenda ahereza uwari ku mashini haheze
akanya mbona amafoto abiri kuruhome yari projecteur ifoto ya
mbere yari Nice nza numva aravuze ati: Nakuze numva nkeneye
kutazokwihenda umukunzi kuko nakuze nkunda kumenya vyinshi
ku rukundo kuko Maman yama ambwira ko ikigira umuntu akaba
muzima ari urukundo gusa igihe kimwe ndi kuri université mu wa
mbere nabonye Mike ku ncuro ya mbere nza numva umutima
urasivye rwose numva ijwi indani rimbwira riti “rwawe nuyo”
Narwanye intambara nyishi kuko nkuko mu bibona aho kwifoto
igira kabiri ni jewe nariko ngerageza kuvugisha Mike ku ncuro
ya mbere nobabwira ivyo yanyishuye...

Jewe aho narindi naguye mu gahundwe ndavuga nti: Saaaa? Nice
ni wewe Bernice?
Aca araza amfata mu biganza ati: Ni jewe Mike!
Jewe narumiwe ndatangara rwose nca ndamuhobera rwose nca
ndababwira ingene namwishuye.

Maze bose barumwirwa bamwe bararira haheze akanya Nice aca
avuga ati: Inkuru yacu ntitwoyivuga ngo tuyiheze ariko harigitabo
kidaheze kiri kuriyi site web uwushaka kumenya vyinshi aze
kujako citwa ''Histoire de ma vie''
Ubwo nyene bose batoye amaterefone biba ngombwa ko
seminaire irangirira aho proffesseur abaha isango rikurikira ku
musi wakurikira ko ariho bazobandanya.

Je nanje numva ngomba ko dutaha Nice akambwira neza ingene
yampishije ko ari we Bernice ico gihe cose dushitse muhira
ndamubaza ambwira ngo: Vyari vyiza ko ubimenya igihe cavyo
kandi hari nibindi vyinshi utaramenya.

Nice yanyicishije amatsiko ariko ndihangana uwo musi nho
nongeye kwirarira mwijuru nibuka ko mfise Nice nakanguwe na
fone mu gatondo isona bamfonye nca ndashira ku gutwi ariko
numvise ijwi nca nda...

Agace gakurikira karaje