🥴 Ng'ibi ivyo wokora iyo hashushe cane

🥵 " Izuba ryegereye isi", ni ko bamwe basigaye batebura kubera ubushuhe bumaze imisi. Ingero zirashika kuri "degrés" 34 ku gipimo ca Celsius.

🤔 Muti none umuntu yovyitwaramwo gute ?

🫴🏾 Ng’ibi bimwe mu vyofasha umuntu kugumana amagara meza mu bushuhe nk’uko Pr San Macro yigisha muri kaminuza "Aix-Marseille" abisigura : https://bit.ly/3SZ5aMS

1️⃣ Kunywa amazi menshi. Mu bisanzwe umuntu akwiriye kunywa amaritiro 2 y’amazi ku musi. Ariko mu gihe hashushe yokwongerako iritiro imwe kuko ubushuhe bwinshi butuma amazi agabanuka mu mubiri (déshydratation) canecane ku bakiri bato bakenera inguvu.

2️⃣ Kwirinda kunywa inzoga kuko zisanzwe zigabanya amazi y’umubiri. Twarabigarutseko muri kino gisomwa : https://bit.ly/3ZL9CRK

3️⃣ Kwirinda kunywa ikawa

4️⃣ Kwirinda kunywa ibintu bisosa cane nk’ifanta kuko bitera umukoyo mwinshi bigatuma amazi yo mu mubiri agabanuka

5️⃣ Kwirinda gufungura indya zifata umwanya munini w'ihoka, nyabuna umuntu akarya imboga nyinshi n’ivyamwa

6️⃣ Kwirinda kugira ikarashishi ku zuba kuko bishobora gutera ibizunguzungu

7️⃣ Kwoga amazi y’akazuyazi

😉 Basomyi, mwe ubu bushuhe mububayemwo gute ?

Hello every body?

Umurundi wumutima ntatangwe

Ikomeza kutuzigama